الفتنة على تويتر

كل مالواحد يتريق على واحد من بتوع الدين .. ايوة واحد من اللى بيتاجروا بالدين يعنى تلاقيلك واحد راح طالعلك يقولك انت بتعمل فتنة على تويتر… عديتها مرة و اتنين و ألف بس لحد النهاردة مش فاهم يعنى ايه فتنة على تويتر…

هل معناه تقسيم تويتر لمجموعات من التويبس المسلمين و مجموعات من المسيحيين و إعلان حرب البلوك الجهادية و نشوف مين يقدر يعمل بلوك لمين أسرع؟

ايه الهبل اللى انتو فيه دة؟؟؟

بدل مانت فالح تجرى تقول لكل واحد اتريق على حازم شومان ولا يعقوب على الهبل اللى بيقولوه انه بيعمل فتنة ماتروح تكلم الناس دول و تقلهم انهم بيعملوا مصيبة فبلدك!!! ليه متعملش كدة؟

ماتروح تواجه المتاجرين بالدين و تقولهم عيب كدة… روح اقف ضد الفكر المدعم من السعودية عشان يخرب بلدك و بعدين نشوف من يدعون انهم اقباط المهجر المدعمين من جهات عايزة تخرب البلد نفسها يمكن نقضى على التخلف اللى احنا فيه!!

فوق منك ليه و بلاش كلام فارغ الفتنة احنا اللى بنعملها لما نخرس و منقولش اللى فقلبنا و النتيجة بتبقى انفجار و بهدلة !!! فوق منك  ليه و بلاش تخلف بأة

 

Advertisements

About justanegyptian

Just An Egyptian
This entry was posted in أى كلام, عربى and tagged , . Bookmark the permalink.

12 Responses to الفتنة على تويتر

  1. anonymous says:

    Ya Mina mathawelsh! El dema’3 el weskha, hatefdal weskha!!!
    Mafish fayda!

  2. أنا هقولك على حاجة مع إني عارفة إنك عملتلي بلوك…ما علينا
    إحنا فاهمين انكم مش قصدكم تستهزأوا بالدين نفسه…مش معقول اللي عاشوا مع بعض 18 يوم في التحرير متعرفش الفرق بين المسلم والمسيحي وضربوا أروع مثل في الوحدة الوطنية واحترام دين الآخر يعملوا كدا
    وفاهمة انكم قصدكم تتريأوا على اللي بيتاجر بالدين وخاربينها
    لكن المشكلة زي ما انتوا قولتوا مليون مرة إن تويتر لم..أيوا لم ناس مش فاهمة حاجة وعيال صغيرين في السن وناس جاية من الفيس بوك اللي بيسيب علامة فعلا على كل واحد بيتعرف أول ما تشوفو
    المشكلة بقى إن فيه خيط رفيع جدا بين الاستهزاء بالمتاجرين بالدين والاستهزاء بالدين نفسه كل اللي انا قلتلك عليهم دول مش بيعرفوا يميزوا وبيتجاوزوا الخيط دا معظمهم عن جهل بحت
    هما دول اللي بيعملوا المشكلة بجهلهم وبيخلوها حريقة فعلا..فأنا رأيي إن بدل ما نعمل هاشتاج تريأه على المتاجرين بالدين نفتح حوار جاد فعلا ساعتها كل الجهلا والعيال الصغيرين دول مش هيلاقوا مكان بيننا وبالتالي مش هتحصل فتنة
    آسفة لو كنت طولت

  3. randa_mohammad says:

    أنا هقولك على حاجة مع إني عارفة إنك عملتلي بلوك…ما علينا
    إحنا فاهمين انكم مش قصدكم تستهزأوا بالدين نفسه…مش معقول اللي عاشوا مع بعض 18 يوم في التحرير متعرفش الفرق بين المسلم والمسيحي وضربوا أروع مثل في الوحدة الوطنية واحترام دين الآخر يعملوا كدا
    وفاهمة انكم قصدكم تتريأوا على اللي بيتاجر بالدين وخاربينها
    لكن المشكلة زي ما انتوا قولتوا مليون مرة إن تويتر لم..أيوا لم ناس مش فاهمة حاجة وعيال صغيرين في السن وناس جاية من الفيس بوك اللي بيسيب علامة فعلا على كل واحد بيتعرف أول ما تشوفو
    المشكلة بقى إن فيه خيط رفيع جدا بين الاستهزاء بالمتاجرين بالدين والاستهزاء بالدين نفسه كل اللي انا قولتلك عليهم دول مش بيعرفوا يميزوا وبيتجاوزوا الخيط دا ومعظمهم عن جهل بحت
    هما دول اللي بيعملوا المشكلة بجهلهم وبيخلوها حريقة فعلا..فأنا رأيي إن بدل ما نعمل هاشتاج تريأه على المتاجرين بالدين نفتح حوار جاد فعلا ساعتها كل الجهلا والعيال الصغيرين دول مش هيلاقوا مكان بيننا وبالتالي مش هتحصل فتنة
    آسفة لوكنت طولت

  4. randa_mohammad says:

    وممكن يكون عن طريق هاشتاج مفيش مانع….بس توضحوا للناس ان الهاشتاج للنقاش والنقد…لإن بردو معظم الناس بياخدوا الهاشتاج على إنه هزار لمجرد الهزار ساعتها فعلا هنتكلم وهنستفيد من بعض وهنوصل لحل لكل اللي بيتاجروا بالدين
    وشكراً

  5. Ashraf Salah says:

    أنا رايى إننا ضاع مننا الهدف الرئيسى للثورة وفضينا لبعض..واحنا لسنا لدينا آداب الحوار..فلذلك احنا نجحنا فى الثورة وفشلنا فى الحوارات اللى كان مفروض تؤدى بينا للتقدم..وعلى فكرة الحزب الوطنى مبسوط منكم جدا عشان هما مركزين فى شغلهم لاستعادة الحكم وانتم ماسكين فى هدوم بعض

  6. 7mdy says:

    بص يا عم مينا كان فيه دعوات للنزول للشارع لتوعية البسطاء من الشعب لان الدنيا مش كلها على تويتر وبالرغم من كده مفيش قبول للاخر يعني فيه كلام على مهاجرين الفيسبوك هما مهاجرين الفيسبوك دول جايين من دولة ايه ياريت تقولي هما مش مصريين ولا ايه مش من الافضل الاول تقنعوا الناس على تويتر بوجهة نظركوا وبعدين ننزل الشارع في ناس حتقتنع واللي ما يقتنعش هو حر دا رايه

  7. 7mdy says:

    انا مشفتش رد منك على اي كومنت من اللي فوق يا ريت ترد علينا

  8. مبدئياَ يا رندا انا معرفش اليوزر بتاعم على تويتر عشان افتكر عملت البلوك ليه
    لما يوصل لدرجة الاقى واحد بيقول “مسيحيين متطرفين و متشددين بيستغلوا المسلمين فالتريقة على دينهم” دة اتهام متخلف و وسخ و حقير و مش هقول غير كدة
    يا حمدى اه لإن تويتر زمان عمرنا ماشوفنا فيه كمية السب و الشتيمة و قلة الأدب و الغباء دة قبل الثورة كان فى بس كان محدود و النقاشات محترمة لكن الآن اتبهدل

    • 7mdy says:

      مش لازم نعمم الاحكام بتاعتنا انا بتابع تويتاتك باهتمام وبحب اقولك انك انسان جميل ومثقف وانا باحترمك جدا وانا متأكد على الرغم انك عايش بره انك كنت معانا في التحرير بكل مشاعرك وانتا بتابع اخبار وطنك باهتمام اكبر من كتيير عايشين في مصر

  9. يا أستاذ اشرف عندك حق معندناش اسلوب حوار عندنا اسلوب اتهامات و خلاص … ناس مش لاقية حاجة تعملها غير تقول بص مين بيشتم فالدين … دى بقت الموضة الجديدة اللى هتخلى مصر تتقدم ان شاء الله

  10. 7mdy says:

    وانا باشكرك انك رديت علينا

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s