إلى كل معتدل و متطرف…

أرجو أن يتسع صدركم لقرائة الكلام للآخر عشان انا متأكد إنه مش هيعجب حد و لكن الحقيقة بتوجع!

تعودنا على الإسائة لرجال الدين من المتطرفين سواء كانوا مسلمين أو مسيحيين و الحمد لله كلٍ منهم يمتلك القدر الكافى من البجاحة إنه يشتم التانى و يثور لما التانى يشتمه…. عادى يعنى!! …و أظن إن المثل بتاع “اللى إختشوا ماتوا” حقيقى 100% دى عالم متعرفش الحياء أصلاً.

جاتلى رسالة على الفيسبوك كلها مسيحيين و كان مختصرها “إعملوا ريبورت للجروب دة بسرعة” و انا اصلاً من الناس اللى بعدت نفسى عن الفيسبوك و إستعمالى ليه بأة شبه منقطع بس المهم دخلت اشوف ايه الجروب دة لاقيت متطرفين مسلمين و عملين فيديو بيتهمه البابا شنودة بالشذوذ الجنسى و إنه عنده هيربس إلى آخره و الكلام دة صادف إنى شفته يوم ما نزل خبر على مجلة كلمتنا إن الحكومة عملت رقم للبلاغات عن المواد الإعلامية الكاذبة على الإنترنت اللى بتشجع على الفتنة و الرقم كان 108 و الخبر هنا … قلت يلا اتصل يا عم و لما نشوف يمكن الحكومة تتصرف و طبعاً الرقم مكنش حد بيرد عليه و شيلته من دماغى و قلت ياكش تولع 90% من البشر اصلاً عندهم هيربس مش حاجة غريبة دى وراثة يعنى أمك عندها هيربس …تخيل!!! أمك إنت !!!هههههههه… لحد ماشوفت الكام تويت دول. و دول عينة مش أكتر

رجعت بالذاكرة لما واحد مسيحى برضو بعتلى خبر عن إن الشيخ متولى الشعراوى كان فاجر و شاذ و مش عارف إيه و مين فضحه و لاقيت الموضوع منغير اى مصادر ليها لازمة و قلت فاكس سيب الناس تخرف انا ماليش فيه!!

المشكلة مش من المتطرفين دول.. دول مهما كتروا هنعتبرهم أقلية … يلا يا عم انا متفائل اهو … المشكلة الأكبر تقع عند اللى بيسموا نفسهم “المعتدلين” و دول يعتبروا 99% من الشعب و الفلسفة بتاعتهم كالآتى: ” أنا عارف إن ——- إبن دين كلب بس انا مش هقولك عشان متزعلش انا بس هتريق عليه بينى و بين نفسى او مع اصحابى من دينى” ضع مكان النقاط إسم اى رجل دين او الدين الآخر ذات نفسه صباح الفل!

و تذكرت الآن صديق عزيز عليا و كنا شبه عايشين مع بعض و هو يعتبر مسلم “معتدل” او متساهل المهم إننا كنا بنسكر مع بعض يعنى!! و فيوم جاب الفيلم بتاع روح العصر او “تسايت جايست” و قال لازم نتفرج عليه انا و هو و صاحبنا التالت و اول جزء من الفيلم كان بيفهمك إن الديانة المسيحية ما هى إلا ديانة وثنية إلخ… و الجزء التانى عن 11 سبتمبر و التالت عن الإقتصاد الأمريكى و الحروب… المهم إن صاحبنا التالت فوسط الفيلم قاله “إشمعنا بيتكلم عن المسيحية و مجابش سيرتنا؟” رد عليه بصوت واطى “عشان ماعرفش يمسك حاجة عالإسلام” و انا عملت عبيط وخلاص و قلت فنفسى سيبه يعيش اللحظة و خلينى مركز فالفيلم و دول كانوا عينة عشوائية من ال”معتدلين” و ربما يكونوا بيقروا الكلام دة دلوقتى و شايفين إنى فاكر حاجة حصلت من اربع سنين و نص صدمتنى فيهم.

فى ظل الإعلام الجميل الراقى اللى بينقل أفكار الشعب المتحضر على الشاشة قررت ارفع المرايا التقيلة دى فوش المجتمع عشان يشوف كوم الزبالة اللى هو فيه…. لأ!! دة الزبالة بيعاد تدويرها و ممكن تبقى حاجة مفيدة…. ياترى ممكن تعيد تدوير مخك عشان تبقى مفيد لمجتمعك؟ ولا هتفضل عامل نفسك معتدل كدة و خلاص؟

مش بطلب منك تكف عن إسائة القسيس ولا الشيخ … لو مستعد تقبل على نفسك تشتم غيرك تحمل تسمع شتيمتك ولا ترد بالعنف و المقاطعة و الكلام اللى عارفينه و مش بيخلص و دة هيكون عدل للطرفين … لكن كدة كدة المتطرف هيفضل متخلف و انا أملى كله فال”معتدلين” إنك تبص فالمرايا و تواجه نفسك كدة زى الشاطر و تعرف إذا كنت من جواك فعلاً مؤمن إن المختلف معاك ممكن تحترمه ولا لأ!

و آدى يا عم المصادر بتاعتى عشان كل الناس تستمتع بحثالة المتدينين! هنا و هنا و هنا و هنا

غلطان انا كدة؟

 

Advertisements

About justanegyptian

Just An Egyptian
This entry was posted in نقد, أى كلام, إجتماعيات, دين, عربى. Bookmark the permalink.

15 Responses to إلى كل معتدل و متطرف…

  1. Ahmed Ragab says:

    Mesh Shayef 7aga offensive 2slan!!!

  2. reemshrf says:

    i agree with everything, it was always 1 of the strangest things how the ‘moderates’ were the ones spreading the ‘extremist’ bullshit, and making it accessible… I don’t see it changing though, it frightens me how many ppl i know who do that, and i worry i may be inadvertently doing it as well
    very well written 🙂

  3. andrew says:

    بس هيا محتاجة منهم تدريب .. يعني يتعودوا يسمعوا كذا رأي متعارضين من كذا مصدر

    “لقد كنت قبل اليوم أنكر صاحبي
    إذا لم يكن ديني إلى دينه داني
    لقد صار قلبي قابلاً كلّ صورة
    فمرعى لغزلان، ودير لرهبان
    وبيت لأوثان وكعبة طائف
    وألواح توراة ومصحف قرآن
    أدين بدين الحب أنى توجهت
    ركائبه، فالحب ديني وايماني”

    محي الدين بن عربي

  4. Anonymous says:

    I dont know leeh asln bt2ol enk 3arf en feh nas hatetday2 ml klam ”when klamk asln 10000% sa7” … anyway ana nefsy asln nfokna mn el HABL el e7na feh da w m3rfsh el shee5 meen 2al ma3rfsh a yb2a kol el muslims kda … w abona ma3rfsh meen 2al a yb2a kol el christians kda !! nsebna b2a ml klam da kolo w kol wa7ed 7or .. el y2ol y2ol wl ye3ml ye3ml ‘same thing l kol el fdaye7’ .. omneyt 7yaty eny ashof grayed w mglat el fdaye7 msh la2ya7d yeshtreha 🙂

  5. Rimoun says:

    ممتاز و متوازن جدا و جاي عالجرح
    ليه شايف انه ممكن يزعل حد؟؟ و الرساله بسيطة.. اللي تقبله علي غيرك لازم تقبله علي نفسك

  6. فعلاً حسستونى إن مصر إتغيرت !! الكلام دة من يوم واحد اللى بينشره بيتقال عليه “متطرف و إرهابى و بيثير الفتنة و إبن ستين كلب” ايه يا جدعان عمركوا منشرتوا حاجة من دى و جالكوا الردود السخيفة دى؟

    الحمد لله لسة فى ناس كتير كويسة 😀

  7. sama says:

    عداك العيب وأزح.

  8. Moataz says:

    إنت جبتها من الاخر فعلا جوه كل واحد فينا متطرف ومتشدد مش لازم تجاه الاخر ممكن تكون تجاه اللي احنا منعرفوش كمان, وعلى فكرة كلامك مفيهوش أي حاجة تزعل 🙂

  9. Faisal says:

    The only reason zeitgeist mentioned Christianity and not Islam is because the whole thing was targeted at the US and was done by Christians who, to them, were “fighting” against the “darkness” that is religion. What religion do they have a majority of over there? Christianity.

    I’ve heard similar things being said (tab3an ma7adesh henna kan ye2dar ye3mel 7aga keda w howa lessa hena) by muslim-born atheists.

    3al 3omoom, Im agnostic and I have no problem with what Zeitgeist said and I think a bit should be added about all “heavenly” religions. Laken, ma 3alaina.

    I agree with everything else you’ve written. I myself have been witness to many muslim “moderates” ridiculing Christianity (not persons in particular – the religion as a whole) under the guise of: yes, Im a moderate, bas doal ya3nee mesh 7ayroo70 el ganna (read: heathens).

    Even as an Agnostic, I believe that if people follow the basic edicts of any religion (no matter what their religion is), the world would be a better place.

    My opinion? Edkhol shemal wesh fe ay 7ad yefta7 om bo2o bel kalam da. Doal welad gazma mat3alemoosh yefakaro.

  10. Pingback: Faisal's Tobril » Blog Archive » Religious “moderates” and acceptance (linked to)

  11. ibraheem magdi talaat says:

    ew3aaa ba2a ya 3am minaaa ba2a el kalam el gamed :P::P:P:P et5adeeet ana awel ma seme3t seret wa7ed sa7by moslem we benskar sawa de hehehehehehe :P:P:P wa7shny walahi
    bas i agree ma3ak gedan
    bas 3ayez 2a2ked 3ala no2tet en el nas et3’tyaret ana men el events ele banzeleha kol gom3a we sabt ma3 el nas we el ta3amol ma3ahom we el 7ewaraaat ele bet7sal sawa2 ma3 moslemeen aw mese7yeeeen we el kalaaam ele ba2a bena now ba2a mo5talif we motafati7 we feeh mesdakeya kaman ma7adesh bey7awar aw betla2em 3ala el tany kolo saree7 ma3 kolo we kolo beyt3amal ka 2a5
    walahi el nas rege3 feeha el 5eeeer msh lesa feeha 5eeer
    we ya rab lela7san dayman 😀
    estamer ya 3am el 7agg …… 😉

  12. Nevine says:

    في قول ماثور لجلال عامر بيقول: اللهم اتقنا شر المعتدليين اما المتطرفيين فنحن اولى بهم !! ة

  13. Shadi Mohamed says:

    اللي انا شايفه ان الناس بتتفرج على حاجه واحده من كذا جنب
    يهودي شايفها اليهوديه
    مسيحي شايفها المسيحيه
    مسلم شايفه الاسلام
    ملحد شايفها الضمير الانساني
    كلنا متوحدين على القيم الاساسيه لانها واحده
    بنختلف على الجانب الغيبي الملحدين مش شايفينه اصلا
    لكن اتباع كل ديانه شايفين دينهم صح والمخالف خيال مش فاهم ازاي غيره مصدقه
    شايف ان اللي بيدعيه للجانب التاني بيضلله مش بيدعيه يشوف اللي هو شايفه صح بنيه حسنه مش سيئه
    وفيه الغبي اللي بيهاجم الكيان ده كله من ناحيه الاخرين مش متخيل انه بتدميره للتاني بيدمر البناء ككل
    ممكن يكون كلامي مش واضح بس انا مبعرفش اكتب كويس علشان كده دخلت علمي 🙂

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s