الإخوان و الكورة

بعدما قرر الدكتور محمد بديع مرشد الإخوان أنهم يعتزمون إنشاء أندية رياضية للمنافسة على دورى كرة القدم جائت ردود الأفعال على تويتر بالسخرية حيث أننا نستخدم السخرية كنوع من أنواع الإنتقاد ليس أكثر … و حتى لا ننسى هذا الموقف قررت أن أحتفظ ببعض التويتس على المدونة:

في مباريات الإخوان: مدرجات تالتة شمال ذكور، وتالتة يمين إناث، والمقصورة أسر

الماتش هيقف وقت الادان

الأهلي يشكو من استخدام الدين في المدرجات من قبل مشجعي الإخوان

ليس من حق لاعبي الإخوان الاحتراف في أي نادي آخر…من البيت للجماعة ومن الجماعة للبيت

بيان الفريق يؤكد أنه سيكتفي بالمنافسة على البقاء في دوري الأضواء

لوائح جديدة بالدوري المصري تمنع استخدام الشعارات الدينية للتأثير على الحكام

اللي مش هايشجع فريق الإخوان يبقى مبيحبش الله ورسوله

شيوخ سلفيون يؤكدون: مساندة فريق الإخوان واجب شرعي

 لافتات جماهير الجونة ترفض إقحام الدين في الرياضة، والجماهير تهتف: رياضية رياضية

 منع الكابتن ميمي الشربيني من التعليقات على مباريات الإخوان….اسمه ميمي

عاجل: القيعي ينفي تفاوض الإخوان مع سيد معوض ويؤكد: دا أشول
نادي الإخوان يتعقد مع حارس مرمى فريق حارس الجيش لانه ملتحي

فريق الإخوان يعلن عدم نيته للمشاركة بـأكتر من تلات لاعبين في المنتخب

 فريق الإخوان يؤكد أن فوز الشرطة على حرس الحدود دليل على نجاح الثورة المضادة

لجنة الكرة تؤكد أن الإخوان يسعون للمشاركة لا المغالبة في منتخب مصر

الإخوان يرفضون تسمية الكورة بـ(كفر)، ويشددون على أن التكفير ليس في منهجهم

رئيس نادي الإخوان يعلن عدم ترشحه لي رئاسة الإتحاد إلى إذا طلب منه

نادي الإخوان يؤكد ان به لاعبين اقباط…بس هم مش فورمة دلوقتي

هل يسمح بالانفراد ؟ ولا دي خلوة

فريق الإخوان يتوجه للفيفا: لن نكون نسخة من المنتخب الإيراني

الاهلي يتهم الإخوان بتفويت مباراتهم مع الجيش والإخوان يردوا “الجيش ولشعب إيد واحدة

قناة الإخوان سبورت 1 تتعاقد مع الكابتن هانى رمزي و الشيخ طه للاستوديو التحليلي للتأكيد علي الوحدة الوطنية

مدير الكرة بالنادي يؤكد على الفرق بين الفريق الديني والفريق الإسلامي

مدير الكرة: الفريق مدني بمرجعية إسلامية

رئيس نادي الإخوان ينفي علاقة فريقه لما قام به بعض المشجعين السلفيين من رفع لافتات من اجل الفرج عن كاميليا شحاتة خلال مباراة فريقه

فرق الدوري متخوفة من رئيس اتحاد كورة من نادي الإخوان وتَغيير اللوائح ليصبح الدوري بالخلافة

 منع استخدام أى آلات موسيقية غير الدف للتشجيع فى المباريات

 الإخوان يكسب الدورى و الكأس و السلفيون يحتفلون بالنصر فى غزوة الشباك

 نجيب ساويرس يصرح انه سيموت قبل ان يسمح لفريق الإخوان باحتكار كرة القدم و لاعبيها و مشجعينها فى مصر

لاعبي فريق الاخوان لن يرتدوا الشورت لانه حرام شرعا سيرتدون جلباب ابيض ان شاء الل

فريق الكورة الاخواني يعلن التزامه بخطو لا تعتمد على الهجمات _المرتدة_ لانها حرام شرعا

 ولو إتعادلوا مش هيلعبوا ضربات جزاء, هيلعبوا ضربات جزيه

الغاء الكروت الحمراء والصفراء واستبدالها بمطويات اتقى الله لا تركل اخيك

مدرب فريق الاخوان يعلن مساندته الكاملة لحسن شحاتة، لانه ما بيختارش غير اللاعب اللي علاقته بربنا كويسة

ردا على دخول الاخوان مجال الكرة .قرر النادى الاهلى عمل حزب سياسى.اسمه حزب النادى الاهلى الاجتماعى الحر

الحكم اللي يغلط يقيموا عليه الحد

 و لما يجيبوا جون الفريق كله يصلي ركعتين شكر لل الله و قبل الماتش يصلوا صلاة الحاجة

فى مبارة فاصلة على نهائى كاس فخامة المرشد ..احتسب الحكم بلنتى للاخوان ..وفى تعليق الشيخ يعقوب على المبارة . الحكم قال نعم للدين

شد لحية لاعب من الفريق المنافس تستوجب الانذار

طبعاً الأخوان حيرفضوا اي حكم أجنبي لأن الكافر مينفعش يحكم

حسام حسن هيمسك فريق الاخوان بعد الزمالك و أخيرا هيلاقي فرصته علشان ينزل الملعب بسيف

 هذا ويستعد فريق الإخوان لمواجهة ريال مدريد في إطار غزوة كاس العالم للأندية !

ومش بعيد يخاطبوا الفيفا عشان يخلوا التحكيم بالشريعة او عدم حذف المادة التانية من قانون اللعبة

هنسمع هتافات زى بص .. شوف .. مولانا بيعمل إيه ؟

دخول الماتشات مش بتذاكر، تحلف على المصحف انك دفعت يقوموا يدخلوك على طول

محمود بكر : و اللي كان قاعد في البلكونة بيشرب سيجارة و مش عاجبه الماتش اقوله ادخل دة الشيخ عبد العظيم جاب جون بدقنه

إعلانات تي شيرتات اللاعبين : عايز كاميليا .. روح لراية !

 كابتن محمود بكر: واحد يسالنى تفتكر يا كابتن الفريق اللى هيشكله الاخوان هيقدر ينافس على الدورى, اقوله طبعا, الكورة اخوان

ممكن الحكم يصلى استخاره لو أتردد فى بلانتى

كابتن الفريق يقوله، باصي الكورة بالله عليك

استبدال الضربه الحره المباشره بقطع الرجل

معسكر التدريب في مسجد الشرطة في صلاح سالم

الاخواني والليبرالي .. الاخواني والليبرالي … اووووووبا الاخواني والجووون جزاك الله خيرا جزاك الله خيرا

 اقامة الحد علي اللاعب المخادع الغشاش اللي ضحك علي الحكم

 لف الكورة بإيشارب اثناء اللعب لأن الكورة مؤنث ولابد من سترها

 الكوبري حرام شرعا عشان اكيد الحديد من احمد عز

 هل يجوز تغيير الشبكة لانها انثي واستبدالها بحائط؟

 مدحت شلبي هيغير من يانهار ابيض إلي لا حول ولا قوة الا بالله

وبدل الجزم الاديداس والبوما، يلعبوا بالصنادل

ايه راي الفيفا في شورت قصير وشراب طووووويل لتحت الوسط، اليس هذا بساترا للعورة

 ما انفرد المهاجم بالجون إلا وكان الشيطان ثالثهما

الصفارة حرام، نستبدلها بدف

الترقيص حرام

عقوبة الهاندبول … قطع اليد

محمود بكر : الكرة فست فابطلت وضوء اللعيبة. استراحة قصيرة ونعود

كان هناك الآلاف من التويتس و ناس كتيرة دخلت نظام “دى تريقة على الدين” إلخ…. و اللى محدش عارفه إن معظم اللى كاتب التويتس مسلمين بس مش بيحبوا التشدد المتخلف و مش كل حاجة تبقى معناها إنها تريقة على الدين … يحيا الفكر الحر و اللهم انصر اخواننا المجاهدين في كل الملاعب..

Advertisements

About justanegyptian

Just An Egyptian
This entry was posted in نقد, أى كلام, سياسة, عربى and tagged , , , . Bookmark the permalink.

6 Responses to الإخوان و الكورة

  1. أنس says:

    الحمد لله فريق كوره مشجعينه مش بيشتموا .. ولاعبيه ملتزمين بأخلاق دينهم .. فالإسلام منهج حياه
    الرياضه بأخلاق الإسلام , وفن بأخلاق الإسلام .. فالإسلام منهج حياه صالح لكل الأزمنه
    الحمد لله الذي أعزنا بالإسلام

  2. أنس says:

    ناس كتيرة دخلت نظام “دى تريقة على الدين” إلخ…. و اللى محدش عارفه إن معظم اللى كاتب التويتس مسلمين بس مش بيحبوا التشدد المتخلف و مش كل حاجة تبقى معناها إنها تريقة على الدين … يحيا الفكر الحر
    ,,,,,,,,,,,,,,,,,,,
    يا مينا إيه التشدد في عمل فريق كره قدم !!!؟
    قول تريقه لمجرد التريقه أو لأن الموضوع ظريف عادي يعني وأنا إشتركت من غير إسائه للدين بس لإن الموضوع جديد و ظريف بس
    وأعتقد إن عمل فريق كره مش تشدد يعني

  3. جمال says:

    والله انا مكنتش عايز اعلق على التفاهة ديه لكن للاسف انت اطرتنى فى الاخر انى اعلق بتعليق حضرتك الغير واعى لانك لما تقول ان الناس ديه مش بتتريق على الدين يبقى انت للاسيف تغيب عنك الحقيقة او ان الحقيقة موجودة لكنك لا تستطيع ان تستوعبها فكلام الناس ان اللى يغلط من الحكام يقيموا عليه الحد او ان االمبارة توقف اثناء الاذان وتسمي هذا ليس من الاسلام اليس كل هذا الاسلام اليس الاسلام احترام وقت الاذان واحترام وقت الصلاة اليس الاسلام اقامة الحدود اليس الاسلام الاخلاق الراقية ؟ كان نفسي احاور كل من تكلم لكن للاسف واضح انهم شبهك تحياتي

  4. Castella says:

    أنس اللى قال كده هم حبايب قلبى السلفيين و نسبوا التريقة على فريق الكرة للدين…مينا مش معلق من دماغة

    جمال باشا, التفاهة دى نوع من أنواع الترويح عن النفس و معترف بيها و اسمها العلمى سخرية و لأ مش من الاسلام ان الحكم اللى يغلط يقام علية الحد لأن كل بنى ادم خطاء…صراحة بينى و بينك من غير زعل كلامك بالنسبة ليل تافة و أنا مش عارف ليه رديت أساسا بس فادى دلوقتى قلت أعمل حاجة..فككوا من اللى انتوا فية دة و ركز انت بس فى عبادتك و خلى ربنا يحاسبنا هو برحمته فى الاخر و بلاش شغل سيف الاسلام الشريعة و فارس الاسلام دة و نركز فى البلد و البلاوى اللى فيها

  5. Kersho says:

    I actually think this is the best thing to use against the Ikhwan…see what happens when they mix relegion with sport? People start making fun of them and they have to touch on relegiously sensitive thing–and ofcourse if you say some of this to a salafi they would get angry and say that you are making fun of Islam, or the prophet, etc.—But that is the point! Our relegion is to be to ourselves our faith, we don’t drag it and use it to sport or politics or anything like that. I think this would allow the vast majority of non political egyptians to understand just how pathetic the Ikhwan are, since most Egyptians understand football very well–and when they see how ludicrious it is to mix football with relegion, maybe they can better understand that our argument for secularism is in fact to protect the sensitivties of people’s faiths and not have to subject relegion to politics, nasty critisim, or worse–empirical examination!
    sorry for the English, I am in the library and not near my Arabic keyboard 😦

  6. mera says:

    هو انا ان سؤالى عن زى الفريق ايه؟
    لازم زى شرعى
    وهيقبلوا بدخول المشجعات الاستاد ولا حرام شرعاً و بالنسبة لرسم الاعلام على الوش حكمه ايه فى الدين!!؟
    بصراحة خبر فريق الاخوان كلوا اخدوا بهزار وتريقة واحسن حاجة عملتها انك جمعت كل التغليقات دى بس واضح من ردود الناس هنا ان فعلا السنة الجاية هنشوف ماتش بيقف اللعيبة فيه يصلوا فى ارض الاستاد او يقيموا الحد على اللعيب اللى يعمل خطأ

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s