مصر أحسن من النرويج

أول إمبارح تم القبض على الإرهابى الذى خطط و نفذ عملية التفجير و القتل فى النرويج و اليوم كانت أول جلسات المحاكمة و دة فى نفس ذات الوقت الذى:

1- توقفنا فيه عن مباشرة التحقيقات فى حادث كنيسة القديسين بعد مرور 7 أشهر على الحادث

2- سايبين العادلى فالسجن متدلع بالترينينج الأبيض عشان مش عايز يلبس لبس السجن و جايبين لأحمد عز لابتوب و إنترنت و هم لا يمكن مقارنة حجم فسادهم و جرائمهم بالحادث الإرهابى النرويجى

3- جايبين دكاترة للمخلوع مبارك على أعلى مستوى و سايبين مصابين الثورة للمتبرعين من الدكاترة الألمان و المصريين الشرفاء لمعالجتهم و كل واحد و نصيبه

4- عندنا كل الأدلة التى تثبت تورط المئات من رجال النظام – الذى لم يسقط بعد – فى جرائم عديدة و بقدرة قادر مش بيتحاكموا!

و دة إن دل على شىء يدل على إننا بلد ديمقراطى بطبعه و بالنسبة للنرويج – البلد الأول فالعالم التى تراعى حقوق الإنسان – خلاص هنضيفلها كلمة “سابقاً” عشان إحنا أحسن دولة فى مراعاة حقوق الإنسان الآن … عندنا الأدلة و بنرفض المحاكمة الجادة السريعة عشان مش بنحب نظلم حد!! المفروض ناخد راحتنا قد عشرة عشرين سنة عشان أهم حاجة حق المواطن فى محاكمة عادلة خاصةً لو كان متهم بتجويع 80 مليون و نهب بلد بأكملها كأنها البلد اللى أبوه إشترهاله و طبعاً دة بالإضافة إلى قتل و تعذيب الآلاف … لازم نراعى حقوقه و ندلعه عشان إحنا بلد ديمقراطى و أحسن من النرويج.

أما عن الرفاهية برضو غلبنا النرويج و الأدلة على كدة:

1- نسيب كل اللى فات دة و يبقى كل همنا مصر إسلامية ولا علمانية

2- الدستور و الإستفتاء اللى إنضحك علينا فيه

3- اللى عايز يجرى يبوس جزمة المجلس العسكرى عشان ينوبه حتة من أى حاجة

و أخيراً عجلة الإنتاج اللى كلنا مش عارفين مكانها بس بنسمع عنها و مؤمنين بوجودها مثل الإيمان بوجود الله لمجرد إن العسكر قالوا إنها موجودة و حالتها صعبة!!

مرفهين ولا مش مرفهين؟ معندناش أى مشاكل مع القتلة والخونة و العملاء اللى سلموا أمريكا أرشيف الرقم القومى المصرى و فجروا البلد عشان قانون الطوارىء و خلوا كرامة الشعب أقل من كرامة أى كلب فشوارع بلاد تانية و فالحين إننا نسأل البرادعى كيلو الرز و حزمة الفجل بكام لإختباره إذا كان يصلح مرشح للرئاسة!!

و حيث إننا غلبنا النرويج فكل حاجة بقترح إننا نصدرلهم المجلس العسكرى الجميل عشان يحاكم الإرهابى بتاعهم طبقاً لحقوق الإنسان المصرية اللى أثبتت قوتها الفائقة فى حفظ كامل الحقوق لأى مجرم إبن وسخة فشخ بلده!

والله الموفق و المستعان

مينا نجيب

Advertisements

About justanegyptian

Just An Egyptian
This entry was posted in أى كلام, حقوق الإنسان, سياسة, عربى and tagged , , , , , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s