نظرية النسوان و الدين

هناك نظرية مشهورة أرفض ذكر إسمها و هذه النظرية تلخص نظرة المجتمع للمرأة و الغرض من التدوينة تعريف النظرية و ما  يترتب عليها من توابع.

فكرة إن مسيحية تتزوج من مسلم سواء كانت مقبولة من ناحية القانون فهى غير مقبولة تماماً لأى مسيحى أو مسيحية (المجتمع القبطى عامةً) و لكنها مرحب بها جداً من كل مسلم أو مسلمة و فكرة إن مسلمة تتزوج من مسيحى فهى غير متاحة قانونياً و غير مقبولة مجتمعياً.

بعيداً عن التشريع و التفاسير و الفتاوى و الأقاويل يبقى الوضع ليؤكد أن النظرية صحيحة .. النظرية التى تقول أن المرأة التابعة لدين ما هى ملكية عامة لأتباع هذا الدين و من المفروض أنها من ممتلكات رجال هذا الدين و لا يجب التفريط فيها و “إعطائها” لأى رجل من دين آخر .. إنطلاقاً من مبدأ “اللى يفرط فساعته ممكن يفرط فأى حاجة تانية” .. او “جحا أولى بلحم طوره” بس المرأة مش طور .. المرأة بشر!!!.

السؤال هنا .. أين إختيار المرأة؟ أليس من حقها أن تختار من تحب و من تتزوج و إن كان على عقيدة مختلفة فالأمر بينهم و لا علاقة للدولة والمجتمع أو أى شخص به .. فهو شأن خاص بهم .. لكن إحساس إن “هم” سرقوها “مننا” يبقى موجود بشدة لدرجة صلاحيته ليكون مانشيت لجريدة صفراء رخيصة.

هل المرأة ملكية عامة لنتحكم فيها؟ هل كل “متبرجة” ملكية عامة يصلح التحرش بها؟ لا أظن إن مجتمعنا الذكورى البحت يمكن أن يتفهم بسهولة فكرة المساواة التامة بين الرجل و المرأة و لكن يبقى الوضع كما هو عليه ليؤكد أن التعليم بحاجة لثورة حتى نصحح مفاهيم و عادات و تقاليد أتتنا من بلاد النفط لتقضى على الهوية المصرية التى لا تعرف التدخل فى شؤون الآخر “سابقاً”.

Advertisements

About justanegyptian

Just An Egyptian
This entry was posted in إجتماعيات, حقوق الإنسان, دين, عربى and tagged , , , , . Bookmark the permalink.

12 Responses to نظرية النسوان و الدين

  1. Tarek Mekawy says:

    هل المرأة ملكية عامة لنتحكم فيها؟ هل كل “متبرجة” ملكية عامة يصلح التحرش بها؟ لا أظن إن مجتمعنا الذكورى البحت يمكن أن يتفهم بسهولة فكرة المساواة التامة بين الرجل و المرأة و لكن يبقى الوضع كما هو عليه ليؤكد أن التعليم بحاجة لثورة حتى نصحح مفاهيم و عادات و تقاليد أتتنا من بلاد النفط لتقضى على الهوية المصرية التى لا تعرف التدخل فى شؤون الآخر “سابقاً”.

    منذ متى تحديدا كان يجوز لمسيحية ان تتزوج من مسلم او من مله اخرى . هل هى عادات و تقاليد غريبة اتت ايضا من بلاد النفط ؟

    • العادة هى التدخل فى شؤون الغير و فاشية القانون و المجتمع و دة غلط .. مش من حق حد إنه يتحكم فغيره يتجوز مين و ميتجوزش مين

  2. egyptian says:

    طب وحد منع المراه انها تختار
    ماهى اختارات الدين المناسب لها..والدين بيحدد لها تتجوز مين
    ولو عايز تنتقد اختيار معين تبقى تنتقد اختيارها للدين
    لكن ما ينفعش تختار دين معين وتفضل تنقى منه اللى على مزاجها
    هى حره تختار الدين المناسب لها

    • إنت إختارت تكون مسلم و الكدب حرام و مع ذلك ممكن تكدب و هتفضل مسلم غصب عن عين أى حد .. شغلة الحكومة مش إنها تدخلك الجنة .. كل واحد حر إنه يكون ليه معتقداته و فى مسلمين كتير معتقدين إن جواز المسلمة من غير المسلم مش حرام و مش من حد أى حد إنه يقولهم يدوروا على ديانة تانية غير الإسلام عشان محدش عنده عقد إحتكار على الدين

      • egyptian says:

        انت بتدخل فى نقطه هل لو انا كدبت هفضل مسلم ولا لا على الرغم من ان الكدب حرام..ودى مش موضوع النقاش
        اللى اقصده ببساطه الدين علاقه بين الرب وبين الانسان يقبلها الانسان او يرفضها
        حصلت العلاقه دى عن اقتناع من الانسان ان ده فعلا كلام الرب ووصاياه واوامره ومعروف ان وصاياه (افعل ولا تفعل) يبقى خلاص القضيه منتهيه انا مؤمن بالدين الفلانى اللى بيمنعنى من كذا وبيسمح لى بكذ يبقى القضيه قضية اقتناع بالدين من الاصل
        كون انسان خالف ده هل يفضل منتمى للديانه دى او خرج منها ده موضوع اخر
        لكن معروف ان الخطأيظل خطأحتى لو فعله جميع سكان العالم
        ومن خلال قضيتنا الخطأ من منظور الدين يظل خطأحتى لو فعله جميع اتباع هذه الديانه

      • لو ركزت فيها هتلاقيها نفس الموضوع .. إنت بالنسبة ليك مقتنع إن الفعل دة حرام و غيرك مقتنع إن دة حلال .. يبقى كل واحد حر طالما محدش أذى حد

      • egyptian says:

        كل واحد حر فى ايه اى حاجه سواء غلط او صح ما ختلتفش
        لكن نقطة الدين محوريه
        دى صح دينيا
        ودى غلط دينيا
        يعنى من خلال الدين
        وطالما قبلت بديانه يبقى اقبل بكل شئ فيها
        زى ما بيتقال فى الافلام
        اوامر الاسياد
        lol
        ولاحظ حاجه ان فى المصطلحات الدينيه او الاسلاميه خصوصا
        لفظ عبد
        الانسان بيعبد ربنا
        بيكون عبد له
        بارداته
        يبقى ازاى مش عايز النسوان تكون عبيد لربنا فى النقطه دى
        زى ما قلت لك اعتناق الديناه هو محور الموضوع

  3. Mai Sakr says:

    بص هقولك حاجة بعيدا تماما عن ان المسلمة مينفعش تتجوز مسيحى عشان الاولاد بياخدوا دين ابوهم
    وان المسيحية ينفع تتجوز مسلم لان ولادهم هيطلعوا مسلمين
    انما …. المرأة عموما لو مؤمنة بدينها (اى ديانة سماوية) فهى مؤمنة بان اللى دينه غير دينها كافر وهيدخل النار … ودى بالنسبالها (او بالنسبة لاى حد من اى دين سماوى) مفيهاش نقاش
    اذاً … فــ هى مش هتحب واحد كافر مقتنعة انه داخل النار وتجيب ولاد منه ياخدوا دين ابوهم ويدخلوا النار هما كمان
    لو هى مش مقتنعة بدينها بقى ومسلمة او مسيحية فى البطاقة بس … عندها كذا حل
    1-تغير دينها
    2- اللى بتحبه يغير دينه
    3- يتجوزوا وكل واحد منهم على دينه ويولع اى حد مش عاجبه _ وممكن يسافروا عشان محدش يضايقهم
    4- يعيشوا مع بعض من غير مايتجوزوا ويريحوا نفسهم ويريحونا

    وبليز متقوليش هى مؤمنة بدينها جدا وهو مؤمن بدينه جدا وبيحبوا بعض وعايزين يتجوزوا كدا … لان لو هما ال2 مؤمنين بدينهم هيبقوا عارفين ومؤمنين برضو انهم مينفعش يتجوزوا والمسألة هتبقى منتهية اصلا بالنسبالهم

    • دى حاجة ترجع لكل فرد و تربية الأولاد برضو ترجعلهم مش لينا ولا للدولة … مش إحنا اللى هنوصى عليهم الأولاد يطلعوا على أنهى دين و موضوع مين مقتنع بدين مين دى مشكلتهم مش مشكلتنا و مش من حقنا نفرض على حد يغير دينه

      • Mai Sakr says:

        المشكلة اننا مش مختلفين … سواء المرأة او الرجل الاتنين ليهم حق اختيار شريك حياتهم وولادهم المفروض كمان ليهم كمان حق اختيار دينهم, انما … لما تيجى تقول الكلام ده فى الوقت اللى ناس بينزلوا مظاهرات يهتفوا اسلامية اسلامية وعايزين يمنعوا كل حاجة ويقيدوا الحريات تماما نبقى احنا مش عايشين فى الواقع
        واكتر حاجة ممكن تحلم بيها فى الموضوع ده هى الحلول اللى انا قولتها … اكتر من كدا تمنيات واحلام وفعلا معتقدش ممكن تبقى حقيقة فى مصر فى يوم مالايام

  4. Mai Sakr says:

    المشكلة اننا مش مختلفين … سواء المرأة او الرجل الاتنين ليهم حق اختيار شريك حياتهم وولادهم المفروض كمان ليهم كمان حق اختيار دينهم, انما … لما تيجى تقول الكلام ده فى الوقت اللى ناس بينزلوا مظاهرات يهتفوا اسلامية اسلامية وعايزين يمنعوا كل حاجة ويقيدوا الحريات تماما نبقى احنا مش عايشين فى الواقع
    واكتر حاجة ممكن تحلم بيها فى الموضوع ده هى الحلول اللى انا قولتها … اكتر من كدا تمنيات واحلام وفعلا معتقدش ممكن تبقى حقيقة فى مصر فى يوم مالايام

  5. masry says:

    3agebny awy l kalam l bet2olo…bas bayen men l comments en ma7adesh 2ader aslan yestaw3eb y3ny ee wa7da moslema tetgawez wa7ed msh muslim w teb2a msh kafra…

    w lama edeet enta fel comments mesal 3al kezb brdo ma2edroosh yestaw3ebo en its relevant…
    IT IS
    l etneen 7aga 7aram…balash l kezb w 7’alina f 7aga kebira shwaya
    wa7ed msh beysaly w beyeskar w yeshrab 7’amra w 7ashish kol yoom…bas muslim 3’asb 3n ay 7ad w ma7adesh ye2dar ye2ollo telt l talata kam…m3 enno brdo da7’el l nar

    enama lama wa7da teegy tetgawez wa7ed “kafer” w tb2a 7’ayfa 3eyalha yetla3o “kafara” zayyo…da 3’alat?

    bas beeny w beenak…l 3akleyat dee fe3lan msh hatet3’ayar ella ba3d thawra kebira awy fel ta3leem w msh ta3leem l madares bas…ta3leem l madares wel ta3leem gowa l masaged wel kanayes 3shan netala3 geel kamel ma3andoosh l double standards dee 🙂

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s