مصر مش مسلم و مسيحى

لو المصريين اللى دايماً بتكلم عنهم خلصوا من البلد مكانش لسة هيبقى عندى أمل … المصريين اللى شفتهم فالتحرير و اللى لسة بشوفهم هما اللى بيدونى أمل إن بكرة هيكون أحسن و كل لما حد يقولى إنت مش شايف الإخوان و السلفيين و الجيش و النظام بتبقى إجابتى بسيطة .. لما المصريين اللى أعرفهم يفقدوا الأمل ساعتها بس هفقد الأمل زيكوا .. بس لسة فى أمل .. والله فى أمل

سواء التمويل السعودى للتيار الوهابى المهبب او اى تمويل تانى هدفه التخريب فالآخر لسة فى مصريين موجودين و بيستخدموا عقلهم و مش بيمشوا ورا اى حد… من زمان و بنسمع مسلم و مسيحى و مسيحى و مسلم .. نسيتوا إن فى مليون نوع مسيحى و مليون نوع مسلم؟ نسيتوا الشيعة و البهائيين و اللادينيين و اليهود و كل مذهب و فكر و عقيدة موجودة فمصر؟نسيتوا إن فى مصريين عايشين و كل حلمهم إنهم ياكلوا و يشربوا و يلاقوا رعاية صحية؟

نسيتوا إن فى ملايين مش فارق معاها أى حاجة غير إنها بس تعيش فى سلام؟ مش فارق معاها جنب بيتها فى كنيسة ولا جامع ولا بار … فارق معاها إنهم يربوا عيالهم فأمان !!! أملهم فدولة تحمى حقوقهم و تحسن من مستوى معيشتهم مش يبقى فالنازل وخلاص

مصر تاريخها مشرف فإحتضان جميع الجنسيات و الثقافات من كل دول العالم أيام الحروب و هتفضل كدة غصب عن عين أى حد .. محدش يقدر يفرض افكاره على ملايين مهما كانت حجته سواء إستخدم الدين او السياسة او اى شىء.. مصر مش مسلم و مسيحى .. مصر هى مصر و هتفضل طول عمرها مصر .. مصر مش السعودية ولا السودان .. مصر هى مصر بلد الحضارة و التاريخ و التنوع و الفكر و الإبداع!! كفاية فكرة مسلم و مسيحى عشان مصر مش مسلم و مسيحى

Advertisements

About justanegyptian

Just An Egyptian
This entry was posted in دين, سياسة, عربى and tagged , , , , , . Bookmark the permalink.

One Response to مصر مش مسلم و مسيحى

  1. hend says:

    I read it and I liked it a lot,,,,yes I believe so,,,we will only lose if we lose faith in ourselves…pleas keep the faith and optimism,,beautiful Egyptians exist,,and they are a lot,,,and this dim period will pass isA 🙂

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s