صحافة الأى كلام

لا أظن أن جريدة الأهرام أصدرت عدد واحد لا يخلو من الأى كلام .. داليا غراب بعتتلى اللينك دة  اللى بيقوللك إن فى دراسة بتقول إن 80% من سكان الأرض شايفين إن الحياة وردية … لا و الأحلى إنهم أكثر تفاؤلا بالرغم من شعارات التحذير اللى على علب السجاير!! هو إيه العلاقة اصلاً؟؟

لم تكتفى الأهرام بالكذب و القول إن الشعب المصرى مرفه و إن النظام سقط و إنه كله تمام و المشكلة كانت فالكهربائى اللى بيسرق العدادات كما هو مكتوب .. و لكن كما هو مبين بالصورة أن السيريالية وصلت بهم لأفق لم يوصل إليها أى شخص أو مؤسسة من قبل ألا و هى صورة طفل تعبر عن الحياة الوردية اللى شايفها 80% من سكان الكوكب .. فعلا مش عارف عن أنهى كوكب بنتكلم

الكوكب اللى كل بلد عليه فيها مصيبة؟ من تسونامى لمجاعات لثورات مقموعة؟ العنصرية و التفرقة و الظلم و التعذيب و الطمع و الغش و الكدب و الدعارة السياسية .. هو دة الكوكب السعيد؟؟ كان ناقص يقول إن ال20% اللى زعلانين هم الطبقة الحاكمة و رجال الأعمال اللى يعينى مش ملاحقين على الهم اللى إسمه شعب اللى عايش مبسوط و هم لأ!! بجد أحة

فين الفريق البريطانى اللى عمل الدراسة دى؟؟ فين المصدر؟؟ و إزاى يتقال على اللى طلع بالنتيجة دى عالم اصلاً؟؟ فكرونى بالدراسات “المحايدة” عن فوائد بول البعير … والله كانت أيام حلوة!

و أحب أقول للأهرام إن فى فريق علماء من مدغشقر عمل دراسة بتقول إن تعاسة 80% من المصريين سببها الإعلام الرسمى بالرغم من تطور صناعة الملابس الداخلية فى موريتانيا و أوضح العلماء أن السبب وراء ذلك هو إستهبال الإعلام و قدرتهم الخيالية على تجاهل الواقع

Advertisements

About justanegyptian

Just An Egyptian
This entry was posted in نقد, أى كلام, سياسة, عربى and tagged , , , , . Bookmark the permalink.

One Response to صحافة الأى كلام

  1. rofyda says:

    اي كلام ومن زمان التليفزيون،الصحافه بيلعبوا فعقولنا واحنا وهما فاكرين انهم نجحوا بس ايه الفايده ؟؟؟؟
    فلاخر كله عارف اللي ليه واللي عليه
    واللي يتخدع يستاهل الضرب على قفاه

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s